Gizarte Partaidetzarako Programa
San Frantzisko, Zabala, Alde Zaharra eta Bilbo Zaharra  

Asko dira azken urte hauetan San Frantzisko auzoa eta inguruko beste auzo batzuk (Bilbo Zaharra, Zabala, Irala eta Amezola) eraldatzen joan diren zerbitzuak, baliabideak eta ekimenak, hauen helburua duela zenbait hamarkadatatik elkarrekin bizi den aniztasuna baloratzea eta sustatzea izanik. Hainbat kolektibori zuzendutako arreta eta esku-hartze zerbitzuak (gazteak, emakumeak, baztertuta dauden pertsonak, hirugarren adinekoak), udal zerbitzuak eta baliabideak, kulturartekotasuna sustatzeko baliabideak, herritarren partaidetzarako plataformak, festa- eta topaketa-ekimenak, ekimen artistikoak, ekonomia alternatibokoak eta erlijioen artekoak, beste askoren artean, aberastasun berezia duen auzoa dela argi uzten dutenak.

Zerbitzu eta baliabide horiek guztiek auzoaren premiei erantzuten diete duela urte askotatik, eta horiek ere eboluzionatu egin dute eta eboluzionatu egin behar dute egungo errealitatearen erritmoan, ez bakarrik San Frantzisko auzoan, baita Bilbo osoan ere.

Sortarazi eta Izangai aspalditik daude auzoan, zaurgarritasun handiko pertsonak eta egoerak artatzen.

Aldi berean, auzoan hainbat ekimen eta zerbitzu, denda eta kultura ezarri ziren, eta horiek, guk bezala, ibilbide luzea egin zuten auzoan. Urte hauetan zehar, ikusi eta elkarrekin bizi egin gara, eta ehuntzen joan den eta auzoa eraldatzea ahalbidetu duen sarearen partaide izan gara.

Bilboko Udalak duela gutxi eguneratu du harrera-baliabideen mapa. Bertan, hiriko 122 zerbitzu garrantzitsu aurkezten dira, horien artean, Sortarazi eta Izangai.

Gure inguruko beste elkarte batzuekin harremanetan jarrita, uste dugu beharrezkoa eta garrantzitsua dela birmoldatzea eta berrasmatzea Bilboko udalerria gizarte-bazterketaren esparruan une honetan bizitzen ari den errealitate berrien aurrean, eta lehendik dauden zerbitzuekiko beste desberdinak eta osagarriak eskaini ahal izatea.