Bilbon emigratzaile gisa izandako esperientzia kontatuko dizuet
Bilbon emigratzaile gisa izandako esperientzia kontatuko dizuet. Lehenik eta behin, eskerrak eman nahi dizkiot nire Sortarazi elkarteari, une zailetan asko laguntzen baitit. 2022ko amaieran iritsi nintzen hona. Zailena da herrialde edo hiri batera iristen zarenean ez duzula inor ezagutzen, ez dakizula non lo egin, non jan eta zer egin behar duzun. Egun batzuk geroago, mutil batek Sortarazi izeneko elkarte bat erakutsi zidan. Une horretatik aurrera, bizi izan dudan esperientzia hobetzen hasi zen.
Lehenengo aterpetxean egon nintzen egun batzuetan, baina irten egin behar izan nuen beste mutil batzuk sar zitezen, eta hor hasi zen nire esperientzia: etxe abandonatuetan, lorategietan eta beste leku askotan bizitzea. Gero, 6 hilabete eman ditut kalean, baina, aldi berean, Sortarazi taldearekin batera nengoen. Haiekin bazkaltzen nuen eta dutxatu egiten nintzen, ikasketak homologatzen ere lagundu didate eta behar nuen guztia ematen zidaten.
Nik gurasoak, anai-arrebak eta familia osoa utzi ditut txiki-txikitatik nire ametsera iristeko, hona iristeko, alegia. Ni nire herrialdetik atera naiz nire bizitza aldatzeko, hobetzeko eta familiari laguntzeko helburuarekin, oso garrantzitsuak baitira niretzat. Lan egin nahi nuen, futbolean jokatu, asko lagundu baitit jende berria ezagutzen, haiekin ikasten, hizkuntza praktikatzen, eta inoiz ez didate errespetua galdu. Kalean 6 hilabete eman nituenean, Sortarazik gela bat eskaini zidan nire kidearekin kaletik irteteko, eta asko kostatzen da, batez ere Bilbon egiten duen hotzarekin. Pisu batera sartu naiz eta handik nire bizitza aldatzen joan da pixkanaka. Laguntza ekonomikoa izan dut jateko eta, gainera, elikagaiak hartu ditugu Sortarazi bulegotik.
Pertsona guztiei laguntzen dien elkartea da Sortarazi. Elikagaien banaketa egiten du, kalean daudenei etxebizitza eskaintzen die, behar dugun guztian laguntzen du eta jarduera desberdinak ere antolatzen ditu, adibidez, hondartzara joatea Muskizen surfa egitea, Serantes mendira irteera eta inoiz ahaztuko ez ditugun kultura musulmanaren jaiak ospatzea.
Azkenik, eskerrak eman nahi ditut nirekin eta pertsona guztiekin egiten duten guztiagatik, benetan oso pozik nago Sortarazi familiako kide izateagatik eta nire helburuak lortzeko maila gorena ikasten ari naizen puntu honetara iristeagatik.
Eskerrik asko guztiagatik.
Rachid